CHA demanda que o gubierno refuse o fracking en o Plan Enerchetico 2013-2020

Expertos alertan d'os periglos d'ista tecnicas ta quitar hidrocarburos de baixo tierra

Joaquín Palacín, portavoz de CHA (Foto: Chunta Aragonesista)

Joaquín Palacín, diputau de CHA (Foto: Chunta Aragonesista)

Chunta Aragonesista no quiere que o fracking, u fracturación hidraulica, apareixca en o Plan Enerchetico d’Aragón 2013-2020, y preguntará a lo Gubierno si leva intención de priorizar ista tecnica por debant d’as enerchías renovables. As Cortz d’Aragón, remera CHA, declaroron o país “libre de fracking” por unanimidat o pasau mes de noviembre.

Joaquín Palacín, diutau d’a formación, ha afirmau que “os expertos alertan de que “o fracking no ye seguro ni respeta lo meyo ambient”, y ha feito referencia a un informe que redactoron una colla d’expertos t’a Generalitat de Catalunya, a on que conluyiban que, con a tecnolochía actual, “o fracking ye poco recomendable”. Istas tesis son estadas asumidas por o gubierno catalán qui descartoron fer servir ista tecnica ta quitar o gas de debaixo d’a tierra.

CHA ha apostau antimás, en un documento, por enfortir a lechislación ta que o gubierno d’Aragón tienga un papel más determinant cuanto a la lechislación, autorización y explotación de hidrocarburos no convencionals que sigan baixo tierra.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.