CHA demandará a o Gobierno d’Aragón un estudeo ta la instalación d’una depuradora de Filtro Verdo

Agustín Muñoz, portavoz de CHA en o Concello de L'Ainsa-Sobrarbe, considera que "amenistamos ixe estudeo ta poder prener una decisión encertada en relación a o sistema de depuración más sostenible dende o punto de vista economico y ambiental ta tot lo nuestro monecipio"

Colla monecipal de CHA L'Ainsa-Sobrarbe. (Foto: Flickr de Chunta Aragonesista)

O Plen d’as Cortz d’o pasau 15 d’aviento aprebó por unanimidat una Moción relativa a la politica cheneral d’o Gobierno d’Aragón en relación a la depuración d’as auguas en Aragón, en a que s’instaba a dar continidat a las obras buscando los alcordos amenistaus ta enantar en a firma d’os convenios no sinyaus, amillorando a participación monecipal, empentando o Plan Integral de Depuración que afecta a os monecipios de menos de 1.000 habitadors, mantenendo a colaboración con as interpresas concesionarias y exichindo a o Gobierno Central o mantenimiento d’os suyos compromisos presupuestarios con Aragón en ixa materia.

O que ye especialment nuevo en ista alcordo unanime d’as Cortz d’Aragón suposa a inclusión a proposa d’a Colla Parlamentaria de CHA de l’estudeo d’a instalación d’Edar de Filtro Verdo en aquells Concellos que lo demanden.

T’Agustín Muñoz, portavoz de CHA, “iste alcordo puet suposar un antis y un dimpués a os concellos que apuesten por a instalación d’istos sistemas alternativos de depuración, con l’obchetivo, d’entre atros, d’aminorar os costes d’explotación y mantenimiento.

Fuent: http://sobrarbenses.es/?p=20928

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.