CHA demandará en o venient pleno municipal que Zaragoza renuncie a estar subsiede olimpica

O partiu remera que no bi ha garra compromís de l'Estau u d'o Comité organizador ta asumir o coste economico

Juan Martín, de CHA (Foto: CHA)

Juan Martín, de CHA (Foto: CHA)

Chunta Aragonesista (CHA) esfenderá una moción en o venient pleno municipal ta que se refuse que Zaragoza siga subsiede olimpica t’os Chuegos de 2020. Dende CHA se asegura que “no bi ha compromís de l’EStau que guarencie a invesión t’adequar as instalacions, seguridat, movilidat, etc… Ta Juan Martín, portavoz d’a formación “destinar diners municipals ta isto no tien sentiu en haber-ie necesidatz socials más importants”.

O gubierno espanyol afirmó, en respuesta a Chesús Yuste, diputau de CHA por “A cucha d’Aragón”, que no se responsabilizarían d’os costes d’o transporte, protección civil, trafico, … En o millor d’os casos, asumirían una tercer parti d’a financiación t’as inversions en infraestructuras esportivas y de transporte que calen ta guarenciar que se celebren os Chuegos que tendrían a suyas siede en Madrit.

Dende l’anvista legal, CHA afirma que “o concello no puede endeudar-se por lo que, sin una lechislación feita a esprés que lo permitise, sería imposible concarar a parti d’o gasto que le pertocaría a la ciudat”. Martín califica de verguenyoso que “se fese una excepción en iste sentiu quan no se ye fendo-ne t’atender servicios publicos u socials””. A formación denuncia antimás que o gubierno espanyol no ha feito “garra referencia sobre o coste estimau ta que a Romareda podese esdevenir subsiede olimpica y que atras institucions habrían de meter-ie diners”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.