CHA denuncia obras ilegals en Yesero

As obras tienen informes negativos de l'INAGA y afectan a espacios protechius.

Yesero (Foto: Wikipedia)

Yesero (Foto: Wikipedia)

Chunta Aragonesista ha denunciau iste miercols a continidat d’as obras ta prener auguas d’a Fuent d’o Pin, en a localidat de Yesero (Galliguera Alta), en o Mont de l’Infierno. Istas obras tienen dos informes en contra de l’Instituto Aragonés de Chestión Ambiental (INAGA) d’os anyos 2009 y 2011.

A tamás d’os informes, a DPH prencipió as obras o pasau 16 d’octobre fendo una pista de dos kilometros de largaria y 6 d’amplo ta plegar en o puesto d’a on se quier prener l’augua; o mont Comas de l’Infierno que ye Reserva d’a Biosfera, Puesto d’Intrés Comunitario y Zona d’Especial Protección d’aus. O 23 d’octobre, achents de protección d’a naturaleza de l’Aria Medioambiental de l’Alto Galligo denuncioron istas obras ilegals y o Servio Provincial de Agricultura, Ganadería y Medio Ambient de Uesca ubrió un expedient informativo demandando información a la DPH y la CHE.

O pasau chueves, a DPH informó de que s’aturaban as obras por iniciativa propia. “Manimenos as maquinas continan treballando en o mont Comas de l’Infierno, lo que suposa una irresponsabilidat por acción, d’a DPH, y por omisión, d’a Consellería d’Agricultura, Ganadería y Medio Ambient d’o Gubierno d’Aragón”, diz o diputau de CHA Joaquín Palacín.

Palacín opina que “l’intrés de beluns pareixe estar fer ista nueva pista como siga, con una esferra ambiental, malfurriando diners publicos y concarando denuncias d’o Seprona que viye indicios de delito en as obras”. O diputau ha exichiu a lo Gubierno que “obligue a aturar de camín as obras”.Tamién ha demandau a la Consellería que “restaure a zona de selva estricallada por as maquinas, plantando-ie vechetación”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.