CHA denunciará a lo gubierno por o cambio en a lei de luengas

O suyo president anuncia una denuncia debant d'Europa por incumplimiento d'a Lei.

Jose Luis Soro (Foto: CHA Zaragoza)
Jose Luis Soro (Foto: CHA Zaragoza)

Jose Luis Soro, president de Chunta Aragonesista (CHA) ha anunciau a intención d’iste partiu de presentar una denuncia a lo gubierno en o Consello d’Europa por no cumplir a Lei de Luengas y por a intención que tien de cambiar-la.

Lo fan alazetando-se en que as accions d’o gubierno incumplen tractaus internacionals como a Carta europea de luengas minorizatas u rechionals. En a rueda de prensa feita por Soro, ha remerau que ‘a lei no imposa cosa’ so que ‘reconoix dreitos lingüisticos a los charradors de aragonés y catalán en Aragón’.

Cuanto a la polemica creyada por o nombre d’o catalán ha dito que sería ‘como si un belga se negase a reconoixer que lo que charra ye francés’ y crei que PP y PAR ‘tienen medrana de clamar a lo catalán por o nombre suyo’.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.