CHA esparde 20 eixemplos de tenencia responsable d’animals recullius ya en a campanya “Yo adopto”

A campanya "Yo Adopto" quiere conscienciar a la población aragonesa sobre adoptar animals de traza responsable

Pinty y Vegan, una parella de gatos adoptada en a campanya

Pinty y Vegan, una parella de gatos adoptada en a campanya

En as zagueras semanas CHA ye realizando una campanya informativa, a traviés d’internet baixo o nombre #YoAdopto, ta apelar a la tenencia responsable d’animals y a favoreixer l’adopción frent a la crompa. CHA metió a la disposición d’o publico un espacio común an que compartir fotografías, testimonios y experiencias solicitando o ninvio de “a historia d’a tuya familia animal”, ta publicar-las en facebook y twitter (adreza de ninvio: roldederechosanimales@chunta.com).

D’ista traza ya s’han recibiu as primeras aportacions a on podemos conoixer dica 20 animals que han estau adoptaus d’una traza responsable. Y ye que seguntes explica Luzia Meavilla, Coordinadora d’o Rolde d’os Dreitos d’os Animals de CHA, “a traviés de buenos eixemplos queremos conscienciar de tres qüestions: a necesidat d’estar responsables a la hora d’aumentar a familia con un animal; denunciar o que suposa o negocio d’a venda d’os mesmos, a on en ocasions o buenpasar de l’animal pasa a segundo plano, y pedir que s’adopten ta dar una segunda oportunidat a os animals que han estau albandonaus”.

A campanya #YoAdopto empecipió ta privar situacions de maltracto u albandono d’animals y ta ixo cal una adopción responsable. “Saber qué embreca y si somos disposaus a asumir as obligacions. No son un present que se pueda tornar, ye una responsabilidat y por iste motivo tendrá continuidat entre istas calendatas asperando aportacions, visitas y lo mas important capacidat de conscienciar en a protección y esfensa d’os dreitos d’os animals”, concluye a coordinadora d’o rolde.

Fuent: http://arainfo.org/2014/01/cha-difunde-20-ejemplos-de-tenencia-responsable-de-animales-recogidos-ya-en-la-campana-yo-adopto/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.