CHA exiche a liberalizacion d’os peajes de la AP-2 y de la AP-68

José Luis Soro ha remerau que más d'un 60% d'o trafico que circula por la N-II son cambions pesaus

Jose Luis Soro (Foto: CHA Zaragoza)

Jose Luis Soro, president de CHA (Foto: CHA Zaragoza)

De todas as inversions que Aragón recibirá en 2013, torna a destacar que no bi ha una partida especifica ta desdoblar os trampos más periglosos d’a N-II y d’a N-232, por lo que dende Chunta Aragonesista (CHA) consideran que ye más important que no nunca liberalizar os peaches d’os trampos paralelos a todas dos carreteras, concretament d’as autopistas AP-2 y AP-68.

“Ista manca d’inversions, prometidas por o PP en campanya electoral, le ye costando a vida a muitas personas y ye amugando o desembolique d’as comarcas aragonesas afectadas, porque d’accidents con victimas bi’n ha totz os meses”, ha asegurau o president de CHA, Jose Luis Soro, en o marco d’a celebración d’o III Diya d’a Militancia de Zaragoza.

Ta Soro, os presupuestos de l’anyada venient han tornau a “ixublidar lo que le cale a Aragón”, por que que ha responsabilizau a los diferents gubiernos espanyols d’o “triste esgotarciar de victimas mortals”, pero tamién de “amugar o desembolique d’as localidatz afectadas por istas vías”; en o caso concreto de l’aria metropolitana de Zaragoza. Y ye que, dende CHA han remerau que plega un inte a on que “a chent se planteya si l’intresa vivir-ie u no pas chugando-se a vida diya par d’atro en a carretera” y as interpresas tamién valuran si les conviene instalar-se en una redolada que no conta con as infraestructuras más adeqüadas.

T’o president de CHA, muito critico con os presupuestos de 2013, “as midas presas dica agora son inutils y poco angluciosas: que bella parti siga de baldes no apanya o problema de trafico de cambions pesaus, as ringleras continas y a velocidat amugada suposa problemas t’os conductors, zarrar retondas fa más dificil a vida de cada diya d’os municipios afectaus…” A tot isto se unen os nuevos pres d’os peaches que, seguntes CHA, s’han convertiu en un “articlo de luxo”, han rematau Soro.

 

Fuent: http://www.aragon2.com/n-20265-3-CHA_exige_liberalizacion_peajes_AP2_AP68

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.