CHA exiche retirar a lei de tasas chudicials

José Luis Soro critica que "a chusticia esdevienga un luxo"

 

Jose Luis Soro (Foto: CHA Zaragoza)

Jose Luis Soro, president de CHA (Foto: CHA Zaragoza)

CHA exiche que se retire de camín a Lei 10/2012 que regula as tasas chudicials empentadas dende o Ministerio de Galardón porque suposan “que a Chusticia esdevienga un luxo nomás t’a clase con diners y as grans interpresas“. Ta Jose Luis Soro “se plega de tocar un atro d’os dreitos alazetals d’os ciudadans, se dificulta o dreito a la tutela chudicial efectiva y ixo no se puet perdonar”. CHA considera que istas midas son anticonstitucionals y que habrán de retirar-se ya que representan “o culmen de l’aplicación ideyolochica d’a dreita más reaccionaria, en amugar l’acceso t’a chusticia”.

T’o president de CHA “ye un trango más en o camín ent’a democracia de cartón-piedra y l’autoritarismo”. Soro adhibe que “os ciudadans quedará sin esfensa debant de abusos entre que se creya una Chusticia  la carta, con un afán nomás de replegar diners”. Ta CHA “os requisitos ta l’acceso t’o sistema de beneficio de chusticia de baldes son tan extremos que a más gran parti d’a sociedat queda difuera, ye una mentira creyer que ista chusticia de baldes ye una solución ta evitar as alteras tasas aprebadas por o PP”.

Cuanto a las chustificacions d’o Gubierno, dende CHA se remera que “a Chusticia ya se paga con os impuestos que pagan os ciudadans” y remera que “si bi ha problemas de emboce ye porque bi ha muitos aspectos que amillorar aintro d’a organización de l’Administración de Chusticia” y se remera que cal enfortir os sistemas arbitrals u de conciliación extrachudicials. “Ye demagogo y inchusto que se prebe de culpar a los usuarios d’a Chusticia quyan lo que cal ye una verdadera reforma ta una Chusticia d’o sieglo XXI”, explica Soro.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.