CHA preocupada por nuevas retalladas en a minería

O partiu ye preocupau por a intención d'o PP de fer nuevas retalladas.

Marco Negredo, en un acto. (Foto: CHA)

Marco Negredo, en un acto. (Foto: CHA)

Debant d’a noticia de nuevas retalladas en o sector d’a minería, Chunta Aragonesista ha quiesto amostrar a suya preocupación, demandando a lo gubierno d’Aragón que “no se mire enta atro cabo”.Ta Marco Negredo, responsable d’economía d’o partiu, “Aliaga ye un irresponsable porque ye condenando lo futuro d’as redoladas mineras aragonesas. Sin alternativas, ni treguas ni aduyas, os lugars miners aragoneses no podrán desembolicar una economía alternativa que permita que se pueda continar vivindo-ie.”

Dende o partiu creyen que os executivos d’Aragón y Espanya se “tapan as vergüenyas l’uno a l’atro” y sinyalan que “o ministro Soria s’estimó más de marchar d’Aragón sin anunciar as retalladas ta no concarar a realidat y haber de dar explicacions”.  CHA refirmará as manifestacions y protestas que surtan d’aquí enta debant y, seguntes Marco Negredo, continarán treballando dende o Congreso ta que os Presupuestos Chenerals de 2013 bi incluigan as aduyas.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.