CHA preocupada por o futuro d’o servicio de tren en Baixo Aragón – Casp

Demandan a lo Gubierno que "se mire por os intreses d'os ciudadans en cuenta de reblar deban de Madrit"

Rafael Lumbreras, en meyo, con Chesús Yuste (Foto: CHA)

Rafael Lumbreras, en meyo, con Chesús Yuste (Foto: CHA)

Chunta Aragonesista (CHA) d’a comarca de Baixo Aragón – Casp ye muito preocupada con l’anuncio d’o Gubierno espanyol de revisar a la baixa as linias de ferrocarril convencional, entre as que i ye a que une Zaragoza con o Baixo Aragón, Madrit y Barcelona.

O president de CHA en a comarca, Rafael Lumbreras, teme que «nos deixen o paso contino de trens de mercancías y nos saquen o servicio de transporte t’a pasachers». Remera que «imos a viyer pasar os trens por a puerta de casa sin poder fer-los servir quan o gubierno habría d’estar pensando en enamplar o servicio ta plegar en un rete de cercanías que conecte Casp con Zaragoza cutianament».

Lumbreras creye que ye incoderent que «cada vegada nos retallen más servicios y haigamos de ir ta Zaragoza, pero nos retallen tamién o transporte.» Dende CHA se remera l’emplego historico d’o servicio de ferrocarril «que fa muito más facil a movilidat d’o meyo rural y que ye a opción que más s’estiman os ciudadans por a suya seguridat, a suya comodidat y o suyo impacto ambiental más chicot».  Tamién creye que ye penible que «o Gubierno d’Aragón siga incapable de meter dencima d’a mesa as reivindicacions d’os ciudadans que, se suposa, representa» y anuncia que «CHA barallará en as Cortz d’Aragón ta que o servicio contine».

O partiu aragonesista remera que, en una inciativa en esfensa d’o ferrocarril convencional en Aragón que se debatió o pasau 10 d’octobre, os dos partius que refirman o gubierno, PP y PAR, votoron en contra.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.