CHA proposará quatro midas pa la prestación de calidat d’os servicios ferroviarios y por carretera

O diputau de CHA Gregorio Briz presentará ista moción en as Cortz d'Aragón

trenChunta Aragonesista proposará en o pleno d’iste chueves en as Cortz una moción con “quatro midas decisivas” pa la prestación de calidat d’os servicios ferroviarios y por carretera en Aragón. O diputau Gregorio Briz esfenderá “que se sinye antes con antes o Contracto de Servicio publico entre o Gubierno d’Aragón y Renfe Operadora, que s’invierta en a millora d’o ferrocarril convencional, que s’empente a coordinación institucional y presupuestaria pa que a reobridura d’o Canfranc pueda estar una realidat antes de 2020 y que se redacte un Plan Estructurant de Transporte, en un plazo d’un anyo, que defina con rigor o modelo futuro d’o transporte ferroviario y por carretera”.

“Sobre o Canfranc, reclamamos una estructura d’acción conchunta con as autoridatz francesas y a consignación d’as partidas correspondients en os Presupuestos Chenerals d’o Estau pa la financiación d’os treballos y a reobridura d’a linia en un plazo perfectament posible de 7 anyos”, ha explicau Briz, que ha esfendiu “o caracter de servicio publico y social y d’elemento vertebrador d’o territorio d’o ferrocarril convencional y a necesidat d’inversions”. Por ixo, ha criticau a chestión d’o Gubierno d’Aragón, que encara no ha formalizau o reiteradament anunciau Contracto de Servicio Publico con Renfe Operadora pa la prestación de Servicios de Transporte de Viachers de media distancia: “le instamos a sinyar-lo ya concretando numero de servicios, horarios y coste economico”.

Asinas mesmo, o diputau de CHA considera imprescidible, de cara a o esvenidero, un Plan Estructurant de Transporte “que preveiga y planifique as inversions a realizar, guarenciando l’adequada comunicabilidat de todas as nuestras comarcas, por tren y carretera”.

Fuent: http://arainfo.org/2013/12/cha-propondra-cuatro-medidas-para-la-prestacion-de-calidad-de-los-servicios-ferroviarios-y-por-carretera/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.