CHA refusa as retalladas en a protección civil d’Ayerbe y las considera una “cacicada d’o PAR”

O cambión bomba d'Ayerbe se'n irá ta Uesca. Ista zaguer mida s'adhibe a atras presas en a mesma endrecera, diz o conceller de CHA.

Plaza d'Aragón d'Ayerbe (Foto: Wikipedia)

Plaza d’Aragón d’Ayerbe (Foto: Wikipedia)

CHA ha amostrau iste chueves o suyo refús t’a decisión de levar ta Uesca de traza finitiva, o cambión bomba que a Comarca d’a Plana de Uesca tien en as suyas instalacions de Protección Civil d’Ayerbe.

Seguntes iste partiu, ista decisión l’habría preso lo President d’a Comarca, Fernando Lafuente, y a Consellera Comarcal responsable de Protección Civil, Mercedes Minguijón, os dos d’o PAR en a Plana de Uesca, sin haber-lo comunicau antis t’os consellers comarcals d’a redolada ni t’os alcaldes d’os municipios afectaus.

O traslau, previsto t’o chueves “cuenta con tot o nuestro resfús y ye adintro d’a voluntat amostrada por l’actual Equipo de Gubierno Comarcal d’esfer a base que o servicio tien en Ayerbe“, ha explicau Jose Joaquín Escriche, conceller d’o Concello y conseller comarcal de CHA.  Escriche adhibe atros eixemplos d’ixa politica como “baixas laboral que no se cubren poco personal en tiempos de gran risque u a retirada d’equipos y materials que calen ta fer bien as fainas”. “Istas son belunas d’as decisions que o PAR ha preso en os zaguers tiempos y que afectan dreitament t’a seguridat d’os ciudadans d’a redolada”, diz o conseller.

O partiu ha exichiu que se rectificase ista decisión que creyen “motivada nomás por qüestions economicas” y que deixan a ixos territorios esprotechius.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.