CHA s’oposa a que se prolargue a central nucleyar de Garoña

A central nucleyar habría de zarrar-se en iste chulio

David Felez, a la cucha (Foto: CHA Cortes)

David Felez, a la cucha (Foto: CHA Cortes)

CHA ha amostrau a suya oposición a que lo Ministerio d’Industria espanyol prolargue mientres una anyada l’autorización d’a explotación d’a planta nucleyar. David Félez, responsable de Meyo ambient d’o partiu, considera que ista demanda “ubre a puerta ta fer funcionar a central en que s’apreben as nuevas condicions t’a producción y venda d’enerchía nucleyar”.

Ta Félez “no se puet questionar” que se zarre Garoña y remera que o zarre finitivo ye previsto ta primers de chulio. Dende CHA remeran que continar con a central nucleyar ubierta u planteyar que torne a activar-se ye “una irresponsabilidat no nomás por o propio modelo enerchetico sino porque, antimás, ye una instalación obsoleta y porque as consequencias d’un accident nucleyar afectarían dreitament a Aragón”.

O portavoz de CHA estió critico con a politica d’o PP, que “pareix querer facilitar ista mena de centrals enercheticas” pero tamién con o PSOE “porque a politica de Zapatero fació más facil que una central que ya habría d’estar trancada conte con licencia dica chulio d’ista anyada”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.