CHA y IU podrian decidir iste sabado si fan coalición ta las eleccions espanyolas

O 12 d'octubre remata o plazo ta presentar candidaturas ta las eleccions d'o 20-N

Os comités de CHA y IU podrian decidir iste sabado si a la fin marchan chuntos o camín d’as eleccions espanyolas d’o 20-N. Os dos partius son fendo un proceso de riflexion interna ta prener ista decisión y prebar d’a asegurar a lo menos un diputau en o Congreso espanyol en Madrid.

Dende fa unas semanas se ye fablando d’ista posible coalicion de “converchencia social” en parolas d’Adolfo Barrena. Dende CHA, Nieves Ibeas dició fa una semana que estaria a militancia la que decidiría sobre iste pacto y ambas formacións ya han cilebrau bella reunión sobre o posible alcuerdo. CHA ya pertenexe a Espacio Plural un colectivo de partius que tamien ye fendo un proceso de debate interno y que ye formau, amás de por CHA por Iniciativa-Els Verds, tradicional pero intermitent coaligado d’IU en Catalunya, Nueva Canarias u Iniciativa del País Valencià.

En caso d’a formación d’a coalición CHA-IU ta las eleccions espanyolas y por primer vegada, os cinco partius con presencia en as Cortz aragonesas presentarian nomas tres candidaturas, ya que o PAR, socio d’o gobierno d’o PP, iria d’a man con os populars. Nomas o PSOE presentaría una lista por si mesmo. A presentación de candidaturas ta las eleccions espanyolas remata o 12 d’octubre.

20 Rispuestas a CHA y IU podrian decidir iste sabado si fan coalición ta las eleccions espanyolas

  1. Yo creigo que ye un error, CHA s´achunta con toz ,ta coger un posiento.

  2. Ye lo que cha habria de fer. No por procesos electorals, u mesmo estratechicos, sino por ideolochia. Cha ye un partiu socialdemocrata espanyol, y con ista mena de chen habrá de achuntar-se. A suya ideolochia casa con as posicions de IU. Ya se sabe, que entre españols ye o trato. Con isto, a Cha 2.0 nos amostra , atra begada , con qui ye dispuesta pactar con tal de plegar ta Madrit. Yesa o Biscarrues, prochectos refirmaus por IU, se xublidaran por l´ inte, ta que ista boda se faiga y asinas totz os ”busca posientos” de biache enta Madrit.Ista Cha se re-inventa, pactando con os Barrenas y Alonsos, y encara que nos vendan renovacion e ilusion, fabrican una cucha rechionalista, cutre y rancia.

  3. yo no lo veigo tan malament, ye una traza d’aconseguir un escanyo n’o congreso que iba a estar ta’l pp u psoe. profes que son dos partitos esferentz con programas licherament esferentz pero d’ideolochia parellana, i mientres cha no millore a suya direccion no tindra votos como ta tener diputato propio. prexin que a iu tampoco no li fera guaire gana achuntarse con un partito nacionalista, pero ye por quitar bella cosa buena de tot isto

  4. A yo me se fa buena cosa perque a primera fin d’a Cha ye fer una sociedat mes social y chusta en Aragón, istos obchectivos los truxa tamién IU ta Espanya.

    Os problemas mes amanius d’Aragón están o desempleyo y a manca d’expectativas. No creigo qu’a IU siga un partito que trance as aspiracions nacionalistas de dengún territorio, no pareix ixo en Iniciàtiva per Catalunya a lo menos. Ye simplament una qüestión de prioridatz.

    Ye hora de fer una cucha fuerte y de amostrar una surtida alternativa y social ta la crisi economica.

    • Prou que si, que dos partius espanyols( como sin Cha y Iu ) han de achuntar- se. Ya que ye a unica opcion de que a cucha española socialdemocrata instaurada en Aragon siga en Madrit. Y prou que Cha habrá de tragar con Yesa y Biscarrues!!!

  5. Si a cucha aragonesa quiere quitar bell escanyo en as eleccions chenerals, habrá de presentar-se-ie chunida. Tiengo a sensación de que muita chent que talment no hese votau, u hese votau en blanco, s’animará a votar a ixa coalición, que puede replegar muito voto descontento de o PSOE. A yo ni IU ni CHA me ilusionan guaire, pero cuento que tendrán o mío voto, encara que os aragoneses que vivimos en as provincias de Uesca u Teruel nomás trigamos senglos deputaus, que irán ta o PP u o PSOE.

  6. Pues yo, ta votar a la colla d´ o ”Yesa Ya”, me quedo millor en casa mia. Ixo dá opcion menos mal ya cansa…

  7. bisaruin, igual tiens razón… ¿conoixes bella alternativa razonable, que en o programa suyo no bi incluiga a independencia d’Aragón y a creyación d’una Republica Socialista Sovietica Aragonesa?

  8. ¿Alternativa? Si de verdat creyen que iste sistema ye inchusto y que a Ley Electoral les veta as suyas posibilidatz reyals de representación que no se presenten a istas eleccions. ¿No deciba IU que ista constitución ya no yera a suya? Pos que lo contrimostre.

    Pero claro, ye más fácil asperar posaus a que mos plevan os votos d’o PSOE…

    A chent que reyalment ye de cuchas en d’iste país debería pensar más en surtir t’as carreras que en ir a votar a partius cuya democracia interna ye más que dudosa.

    Stop partius prosistema!

  9. CHA es basura reformista y española

    CHA = IU = socialmdecracia española

    Normal que 2 partidos reformistas, españoles, que aceptan las constitucion heredera del franquismo (de la que el PCE tiene gran responsabilidad, por cierto), vayan juntos, porque ademas la matemtica casi se lo impone si quieren rentabiolizar en algo la campaña y tener alguna opcion.

    Ahora, quien espere que esto suponga un movimiento participativo en la base de estos partidos y tenga traslacion (paticipativa) con los mmss va listo. Reparto de puestos, dineros, etc… es todo lo que habrá.

    Está todo mas que pasteleao ya. Supongo que si no pueden lograr un/a candidat@ independentite de consenso, se repartiran el 1 y 2 de la lista y se repartiran 2 años cada formacion en el congreo. No se si ese diputado se integraria en el grupo de IU o no (es de esperar que si, aunque matizado, como IC-V, vaya cipayos estos, por cierto).

    Solo nos queda ver la escenificación de la “boda”. Será gracioso ver a Barrena y Martin hacer camapaña juntos.

    Dicho esto. El diputado tiene un elevado % de salir (no es seguro pero si bastante porbable, por la lacircunscripcion provincial de Zaragoza). Eso si, esta legislatura se intuye que el PP puede tener una mayoria similar (o superior) a la del PSOE en el 82. Es decir PP con mas de 200 diputados. Mayoria absoluta no, ultramegaabsoluta. Veremos la actitud de ese diputado ante el rodillo…

  10. Si no tos cuaca o sistema que en tienemos podetz fer tres cosas.

    1ª Quedar-tos en casa t’asperar bien posaus n’o sofá que l’anviesta cambeye como per miraglo (rara vegada en fa)

    2ª Ir ta votar a lo partito que mes represiente os vuestros intreses, si en ye que bi ha bell un, profés.

    3ª Fer parti activa d’ixe partito u mesmo fundar un y fer que a vuestra voz cuente.

    Ixo ye a democracia, carbura y s’enrequia con a participación de totz. Creticar, ye o mes fácil, pero no fa honra.

    • Qué bien mos han vendiu a “democracia sin apellius” como diciba Esperanza Aguirre…

    • CHA es basura reformista y española

      que fastio fan istos chunteros

      • Montepico te respondo en TU idioma ya que parece que te sientes más cómodo usando CASTELLANO.

        Es mejor ser chuntero que ser como eres tú. Escupes odio cuando hablas. Háztelo mirar o te saldrá una úlcera

        • Me parixe que te yes entivocando con yo. Con o mio comentario sólo quereba dicir que ni anque ixos partius estasen realment democráticos podrían aconseguir bell cosa porque a ley electoral ye lo ye, un chuego de dos y totz os de demás os suyos chuguetes ta pactar y continar en o posiento.

          A unión de tota a cucha ye en atros puestos, en as carreras, en as suyas asambleyas. Os partius tradicionals ya no fan cosa.

        • CHA es basura reformista y española

          No, ye millor cualsiquier cosa antis que ser chuntero. Ixo ye platero.

          • Profés qu’a ley eslectoral prechudica a las minorallas, manimenos as esleccions continan estando o prencipal brazal de participación qu’en tenemos.

            Ta fer sentir as ideyas cal surtir a las carreras, partecipar en asambleyas ciudadanas, sendicatos y demás pero no renunciar a cosa. Os votos y os partitos éstán importants.

            J.L.Aranguren diceba que quan un dixa de luitar cada diya per a democracia, ista espicha. Y quan en fa ya no se i puet fer muito.

            A nuestra democracia sembla estar graument dolenta pero encara contina viva. En o tocant a yo, no dixaré qu’a dreita espanyolizant la remate.

            Mos chugamos muito.

  11. Pa yo, as qüestions socials siempre han d’ir antes que as identitarias. Si no podetz fer cosa con a chent sospeitosa d’estar espanyola, bell unos vos hetz de quedar solos de tot. Ni unos ni altros me fan guaire goyo, pero, si no fan iste pacto, ixe escanyo será pa o PP.

  12. CHA es basura reformista y española

    no sólo ye question que de identidatz. Tamibén, i mesmo mas important, ye que CHA e IU son socialdemoctras.

    Que les vaiga bueno, pero no con lo refimre d’@s independentistas de cuchas

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.