Chaca aculle os Campeonatos d’Espanya de Patinache Artistico

Os Campeonatos d'Espanya de Patinache Artistico se ferán en o Pabellón de Chelo de Chaca iste cabo de semana.

A Federación Espanyola d’Esportes de Chelo y a Federación Aragonesa d’Esportes d’Hibierno serán os organizadors d’o torneu y contarán con a colaboración d’o Excmo. Concello de Chaca y l’Aramón Club de Chelo Chaca.

 

En ista cita se trobarán os millors patinadors d’Espanya y totz os amants d’iste esporte podrán presenciar un magnifico espectaclo en o que se podrá admirar a plasticidat y tecnica d’as actuacións d’os participants.

 

En tractar-se d’un Open Entrenacional, tamien bi participarán esportistas plegaus dedende difuera de l’estau, asinas como os patinadors pertenecients a o CETDI-Aragón (Centro Especializau en Tecnificación d’Esportes d’Hibierno, con seu en Chaca). L’acceso ta disfrutar de l’evento será de valdes y prencipiará iste viernes con os entrenamientos d’antis d’a competición.

Fuent: http://www.comarcas.es/index.php/mod.noticias/mem.detalle/idnoticia.6566/relcategoria./chk.add072c9b2bb7097a2f9994904471a19.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.