Chaca, Alcanyiz, Teruel, Andorra u Exea tamién protestoron contra la reforma laboral

Una d'as manifestacións más importants estió a d'Andorra, an que se talloron amás os accesos a la central termica

Acceso a la central termica d'Andorra (Foto: Andorra Antifaixista)

Acceso a la central termica d'Andorra (Foto: Andorra Antifaixista)

Por tot o país en lugars chicotz y ciudatz, i habió manifestacións, concentracions y asambleyas con motiu d’a vada cheneral. En Chaca, arredol de 600 presonas s’achuntoron en una manifestación que recorrió as carreras d’a ciudat an que a vada ha teniu un siguimiento gran en a educación y una mica menos en servicios y comercios. En Samianigo, fueras d’os servicios menimos a industria aturó de raso y 800 presonas s’achuntoron convocadas por os sindicatos ta protestar contra la reforma.

En o sur d’o país, en Teruel, un piquete unitario ha recorriu a ciudat mientres tot lo diya, y arredol de 1000 presonas rematoron con una manifestación a chornada. Amás, se talloron carreteras en a dentrada d’os poligonos d’a ciudat a primer hora d’o maitín. Tamién se talloron carreteras en Andorra, en l’acceso a la central termica, en un ambient d’unidat entre os sindicatos. A manifestación, que achuntaba a chent d’as redoladas vecinas, aplegó a más de 3500 presonas. En Alcañiz, a plataforma d’aturaus, aplegó a 500 presonas, y o siguimiento d’a vada estió cheneral en educación, con menos d’un 10% d’asistencia en l’instituto.

En as Cinco Villas, a manifestación d’Exea estió siguida por arredol de 1500 presonas, seguntes os sindicatos convocants. En Fraga u Mequinenza tamién se concentró chent de maitín contra a reforma laboral, convocaus por os sindicatos d’a zona. Asinas mesmo como en Monzón, u Balbastro, an que as concentracions se fación de maitín porque a convocatoria central yera en Uesca.

2 Rispuestas a Chaca, Alcanyiz, Teruel, Andorra u Exea tamién protestoron contra la reforma laboral

  1. Pingback: Chaca, Alcanyiz, Teruel, Andorra u Exea tamién protestoron contra la reforma laboral | AraInfo | Achencia de Noticias d´Aragón

  2. Pingback: A Vada Cheneral en Aragón. Punto de inflexión hacia un cambio de modelo | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.