Charrada en Zaragoza sobre as conseqüencias d’a soya transchenica

A ganadora d'o premio Goldman, Sofía Gatica, visita Zaragoza, aintro d'una chira europea

cartel Sofía Gatica, ganadora d’o Premio Goldman 2012 (os clamaus premios Nobel d’o Meyo Ambient), ferá una charrada, baixo o titol “Conseqüencia social y ambientals d’a soya transchenica. Una experiencia de activismo local debant d’as multinacionals de l’agroindustria”. A charrada se ferá iste lunes a las 19:00 en o centro Joaquín Roncal y ye organizada por organizada por o Movimiento por un Aragón sin tranchenicos y ent’a Soberanía Alimentaria.

Sofía Gatica, Cofundadora de l’Asociación de Mais deItuzaingó (Archentina) que luita contra os transchenicos y os suyos pesticidas, visita Zaragoza aintro d’una chira que ye fendo por Europa organizada por a organización Good Food March, de conchunta con Vía Campesina Europa, ta charrar d’os cultivos transchenicos de soya.

Dende o Movimiento por un Aragón sin transchenicos y ent’a Soberanía Alimentaria afalagan a trachectoria de Gatica, qui treballa dende fa 11 anyadas en a luita contra as fumigacions en os campos de soya transchenica arredol d’a ciudat archentina de Cordoba que han feito esferras sobre a salut publica. A mesma Sofía perdió un borche a lo poco tiempo d’estar naixiu. Asinas prencipió a suya luita y a chusticia l’ha dau a razon.

Fuent: http://arainfo.org/2012/09/sofia-gatica-premio-goldman-2012-imparte-una-conferencia-en-zaragoza-sobre-las-consecuencias-de-la-soja-transgenica/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.