Charradas, conciertos y atras actividatz en o festival «Salvem lo riu» contra l’entibo en Auguaviva

O cinco de chulio, Auguaviva aculle una chornada contra l'entibo

cartelDende a plataforma de vecins «El Bergantes no se toca» quieren continar espardindo y fendo conoixer as razons d’a suya protesta contra «la sinrazón que suposaría construyir l’entibo en o río Alcherez en o lugar d’Auguaviva (Baixo Aragón). Ta ista plataforma, o prochecto destruyiría «un d’os puestos naturals más importants d’Aragón», y metería en risque de supervivencia a lo lugar».

Ta ixo s’ha organizau o venient 5 de chulio, o festival «Salvem  lo riu Bergantes festival», un chornada a on que, a traviés de diferents actividatz «poder conoixer y compartir lo que significa o nuestro «riu menut», dicen dende a organización

A chornada prencipiará a las 11 con a charrada «Os conflictos de l’augua en Aragón«, a on que participarán afectaus por Biscarrués, Yesa y Mularroya. Dimpués d’a chenta, se prochectará o documental «Bergantes, lo riu menut«, de Victor Sancho. A mosica plegará de man d’os pasavillas que ferán Chundarata y Vaguada rural. A chornada rematará con un gran concierto que prencipiará a las 21:30 y a on que se podrá sentir a mosica de Malagana, Er zulo, Avida dollars, Gen y Azero.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.