Charremos d’ecolochismo social en Aragón: fe parti d’a campanya

As diferents asambleyas d'Ecolochistas en Aición en Aragón han disenyau t'os primers meses de 2012 una campanya que recorrerá a-saber-los vicos y lugars aragoneses. L'obchetivo ye compartir as proposas que, dende l'ecolochismo social, nos pueden sacar de l'atolladero en que nos ha ficau o sistema actual.

Debuxo d'a portalada d'o cuaderno ecolochista.

A campanya consistirá en un amplo calandario de trobadas en diferents localidatz. Cualsiquier persona d’Aragón puet contactar con Ecolochistas en Aición Aragón ta solicitar una charrada publica. Dende o blog “Dignidad y naturaleza: crisis y ecologismo social en Aragón”, se puet acceder a toda la información disponible, asinas como a fotos y a o soporte principal d’as actividatz: un poliu cuaderno divulgativo, que se puet descargar y leyer de valdes y d’o que s’imprentarán cients de copias ta repartir.

O cuaderno editau sintetiza la obra de Ramón Fernández Durán, en especial “El Antropoceno” y “La Quiebra del capitalismo global”. Tamién s’amanan contenius d’o libro colectivo “Cambiar de gafas para mirar el mundo”, que ha serviu d’inspiración ta ista publicación.

A traviés d’ista iniciativa, as personas activistas d’Ecolochistas en Aición de desplazaránm entre chinero y mayo de 2012 a totz os lugars an que s’organicen trobadas. En istas calendatas, s’aportará una visión de conchunto sobre a grau crisis financiera que nos afecta y sobre a crisis ecolochica y de recursos naturals que amaga en o suyo interior. Se compartirán qustións como as causas d’a crisis, o declive d’as enerchías fosils, a necesidat d’organizar espacios comunitarios u a creación d’alternativas nos permitan encarar sin medrana y con asperanza os cambeos que s’amanan.

A campanya rematará, si no bi ha cambeos, en mayo y en Graus, con una trobada d’os ecolochistas aragoneses y todas as personas que quieran coordinar-se.

T’o desenvolique d’a proposa se cuenta con una colla plural de voluntarias d’Ecolochistas en Aición y con o fertil treballo de bellas entidatz d’o Rete d’Economía Alternativa y Solidaria d’Aragón, que colaboran en o disenyo, a maquetación y a impresión.

Fuent: http://arainfo.org/2012/01/charremos-de-ecologismo-social-en-aragon-%C2%A1participa-en-la-campana/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.