Chesús Aranda, ganador d’o concurso de coplas en aragonés d’as Fiestas d’o Pilar

Carmeta Pallarés y Luis Escudero ganan os premios t'as millors coplas en catalán y castellano

Chesús Aranda (Foto: neofato.es)

Chesús Aranda (Foto: neofato.es)

Ya s’han feito publicos os ganadors d’os premiso d’o Concurso de coplas d’as Fiestas d’o Pilar, que convoca todas las anyadas o Concello de Zaragoza. O ganador t’as coplas en aragonés ye estau Chesús Aranda con “De rondadera”, quedando en segundo puesto Miguel Anchel Barcos, con “Yo t’aimo, yo tampoco no”.

Cuanto a lo catalán, a ganadora ye estada Carmeta Pallarés con a obra “Mozetes d’Aragó”, quedando desierto lo segundo premio. En castellano, Luis Escudero ye estau o trigau por “Malditas noches de ronda” entre que Antonio Arilla ha quedau segundo con “Coplas de Cristal”. Totz os ganadors consiguen un mesmo premio de 400 euros y os finalistas en conseguirán 150.

Chesús Aranda ye naixiu de Zaragoza, encara que creixió en as Vals d’Echo y Ansó. En 2009 ya consiguió tamién ganar con “Querenzias” o XII premio Ana Abarca de Bolea, que convoca cada tres anyadas o Consello d’a Fabla ta obras poeticas en aragonés.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.