Chicolates Valor merca a planta de Mondelez en Ateca

Dimpués de meses d'incertidumbre y luita, a planta atecana continará con Chicolates Valor a producción, encara que os chicles y carambels se ferán en Valladolit

atecaMondelez International y Chicolates Valor han plegau en un acuerdo pa que ista zaguera se quede con a planta de producción d’Ateca y con as marcas Huesitos y Tokke. Manimenos, a producción de chicles y carambels se pasará a la fabrica que Mondelez tien en Valladolit. Os directivos de Chicolates Valor ya s’han presentau a o comité d’interpresa d’a fabrica atecana.

A plantilla que calga pa fer o chicolate pasará a depender de Chicolates Valor una vegada se sinye l’acuerdo de venda, que ye previsto pa dimpués de verano. Dica allora, a producción y o funcionamiento d’a fabrica será o normal dica agora y chestionau por Mondelez.

O comité d’interpresa y Mondelez continarán negociando respective a o nuevo scenario d’a planta atecana. Mondelez ye “muit satisfeita” por l’acuerdo, considerando que “ye una buena solución pa la interpresa y pa la planta d’Ateca“, y ha agradeixiu l’actitut d’o comité d’interpresa por creyar un adequau clima de dialogo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.