China construye a supercomputadora mas rapeda d’o mundo

Operaría a una velocidat de 30,7 petaflops por segundo, unas dos vegadas mas rapeda que Titan, a encara supercomputadora mas rapeda

supercomputadoraA Universidat Nacional de Tecnolochía de Defensa (UNTD) dio a conoixer que China ye fabricando una nueva supercomputadora nombrada Tianhe-2, (‘Vía Lactia-2’), con una velocidat dos vegadas superior a la norteamericana Titan. A supercomputadora será situada en a ciudat meridional china de Cantón, a on ufrirá servicios tecnolochicos dende cabo de 2013.

A Tianhe-2 destrona a la Titan norteamericana, ya que opera a una velocidat de 30,7 petaflops (quatrillons de calculos) por segundo, convertindo-se en a supercomputadora mas rapeda d’o Departamento d’Enerchía norteamericana debant d’a Titan que opera a 17,6 petaflops por segundo, seguntes as afirmacions feitas recientment por o profesor d’a Universidat de Tennessee Jack Dongarra.

Entre qualques usos posibles d’a Tianhe-2, sinyalaus por a UNTD, incluyen o procesamiento de grans cantidatz d’información, simulación de vuelos y, mas que mas emparo a o Gubierno en materia de seguridat nacional.

A Tianhe-2, as prebas oficials se preveyen iste anyo, cuenta con a posibilidat de desbancar a Titan en o ranking mundial de supercomputadors que publica semestralment a lista d’o top500.

A Conferencia Internacional de superordinadors que s’efectuará iste cabo de semana s’encargará d’a presentación d’ista plataforma. En ista ocasión, China por primera vegada dende 2010 se ferá con o primer puesto.

Fuent: http://noticies.sirius.cat/2013/06/xina-construeix-la-supercomputadora-mes.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.