China presenta una nueva tecnica ta ruixiar que cabida más augua que o goteyo

A tecnica ye estada prebada en diferents cautivos con sobrebuenos resultaus

Agricultor chino en un campo (Foto: Vu Bui)

Agricultor chino en un campo (Foto: Vu Bui)

Os scientificos chinos han desembolicau una nueva tecnica ta ruixiar, clamada riego de trazas, que consume a metat d’augua que riego por goteyo. Ista tecnolochía se basa en o prencipio de absorción capilar d’a tierra. Con ella, os cautivos absorben l’augua que les cal en cuenta d’estar ruixiaus de traza pasiva, ha explicau Zhu June, un especialista en riego d’a Universidat de Sciencia y Tecnolochía d’o Centro de China.

A parti clau d’a tecnolochía de riego de trazas ye una cheta de control d’augua, que pende en canyerías capilars con una buena capacidat de esbarrar l’augua y trazas unas quantiosas napas con unas funcions de filtrau, indicó Zhu en un comunicau de prensa dau a conoixer iste martes en a ciudat de Wuhan, a capital d’a provincia china de Hubei.

“A cheta de control d’augua se mete arredol d’as radices d’un cautivo, y puet parar cuenta d’a puyada u baixada d’o ran de augua t’a tierra y ruixiar seguntes pertoque, entre que a napa de trazas de filtración ficada aintro d’a cheta privará o bloqueyo d’os tubos capitals”, adhibió.

A tecnolochía recurre a lo prencipio de absorción capilar d’a tierra ta reachustar de traza automatica a cantidat d’augua suministrada a los cautivos, mantener un ran estable d’augua t’a tierra y achiquir a evaporación y a fuyida d’o liquido baixo tierra. D’ista traza s’amillora a eficiencia en os suyo emplego d’alcuerdo con l’experto.

Dende 2007, os companyers de Zhu han feito bellas prebas de campo d’a tecnolochía en cautivos, hibernaders, hortals y selvas en Beijing, a rechión autonoma Uigur de Xinjiang, a rechión autonoma de Mongolia Interior y a rechión autonoma de l’etnia zhuang de Guangxi.

“Os rabanos cautivaus con a nueva tecnolochía tamién estioron d’una cantidat mayor y estioron bien acullius en o mercau“, dició Bai Yongijang, un agricultor d’a capital china que prencipió a fer servir a tecnolochía en 2009.

A tecnolochía de riego de trazas presume d’uns buens resultaus en contimparando-se con a tecnolochía de riego de goteyo d’Israel, ya que consume menos augua y amillora a producción d’os cautivos, opinaLi Zuojun, subdirector de l’Instituto de Investigación de Politica Ambiental y de Recursos, adscrito a lo Centro de Investigación de Desembloque d’o Consello d’Estau, o gabinete chino.

A tecnolochía puet protecher y enamplar a superficie d’as tierras cautivadas de China y amillorar as codicions ecolochicas d’as rechions ixutas d’o país, seguntes Li.

 

Fuent: http://noticies.sirius.cat/2013/02/xina-presenta-una-nova-tecnica.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.