Chornadas meyevals en Luesia dica o diya 29

Con motivo d’as 800 anyadas d’a famosa batalla d’as Navas de Tolosa (Chaen), en a que i participo Don Miguel de Luesia ilustre caballero d’a Villa, lugartenient de Pedro II d’Aragón y güelo de Berenguer de Entenza, capitán aragonés d’os almugavars, a localidat altocincovillesa cilebra unas chornadas en que o tiempo s’atura en epoca meyeval dende o día 26 de Chulio hasta o 29.

Con actividatz de toda mena y ta todas edatz, a Villa acullira istos diyas un programa cultural en que se homenacheará a Miguel de Luesia y se scenificará l’arribada d’o caballero, d’a dita batalla.

Diya 26 – Chueves 22.30 h.: Presentación d’as Chornadas + Prochección cinemátográfica/Documental

Diya 27 – Viernes 22.30 h.: Charrada centrada en a figura de Miguel de Luesia, por Javier Cabello (luesiano,historiador y estudioso d’a Villa).

Diya 28 – Sabado: Mercau meyeval en a Plaza d’a Villa + representacions teyatrals y tallers mientras o díya. De tardada se’n irá a recibir “de conchunta”, acompanyaus de música tradicional, a Miguel de Luesia, que plegara a os pietz d’o Castiello d’a localidat. Se rondara bellas carreras d’o lugar dica plegar en o Salón Cultural. 22.00 h.:Cena Popular meyeval + Posterior borina.

Diya 29 – Domingo 11.30 h.: Visita guiada a la Villa asínas como a o Castiello, residencia de Miguel de Luesia. 16.30h.: Chuegos tradicionals aragoneses ta ninos y concurso de cartas (guinyote y rabino). 19.00 h.: Concurso de tapas. Dende o díya 30 de Chunio se cilebran tallers ta fer traches meyevals t’a festividat d’o sábado.

3 Rispuestas a Chornadas meyevals en Luesia dica o diya 29

  1. Miguel de Luesia,man dreita d’o Rei, luito chunto a Peddro II d’Aragón en a batalla de Las Navas de Tolosa y la resta de reinos cristianos d’a peninsula contra as tropas musulmans…gran lugartenient ocupo important cargo en a epoca…y que morio un anyo dimpues chunto a o suyo Rey, en a Batalla de Muret (Occitania).

    Antimas como bien dice a noticia estio o güelo de l’unico capitan aragonés d’os alumgavars ( a resta yeran de Catalunya) Berenguer de Entenza de Luesia , que por eixemplo conquirioron Neopatria.

    Una familia de patriotas, a la que Luesia rinde mereixiu homenache.

  2. Entenza(Entença en verdat) no yera ribagorzano?
    Os catalans bien dicen que yera catalan… en fin.

  3. Si, ribagorzano en yera, os Entenza son ribagorzanos, pero por parti de mai yera de Luesia, fillo de Guillerma de Luesia a la par filla de Don Miguel de Luesia.

    unatra cosa ye lo quiera dicir os catalans….

    Esprisons

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.