Chornada sobre as luengas minorizadas en Barcelona

Arredol patrocina ista chornada parada por o Curso d'Aragonés d'o Centro Aragonés de Barcelona

O Curso d’Aragonés d’o Centro Aragonés de Barcelona ha parau ta iste viernes 8 de chunio una chornada sobre luengas minorizadas ta rematar o curso. A chornada, parada por a Colla de charradors O Corrinche, cuenta con o refirme d’a Universitat de Barcelona, o propio Centro Aragonés y iste diario dichital, Arredol.

A chornada prencipiará de tardis con una mesa redonda sobre “As luengas minorizadas en a Europa d’o sieglo XXI”. En ella se tractarán os paralelismos en luengas en dificil situgación por tot o continent se prebarán de trobar estratechias comuns. A mesa, presentada por Enrique Gargallo d’a Universitat de Barcelona, contará con a participación de Ánchel Conte, por l’aragonés, Iain Ó hAnnaidh y Meic Alger, por o galés,  Xandru Fernández-Cernuda por l’asturiano, Ferriol Macip, editor d’o Jornalet, por l’occitan, Carles Biosca Trias, por o sardo y Gwenole Abloen por o bretón.

Ista mesa redonda se celebrará en o centro d’alumnos d’a Universitat de Barcelona, en a carrera Diputación, 250, de Barcelona. Dimpués d’ista charrada y ya en o centro Aragonés, en a carrera Costa, 68, tamién de Barcelona, se ferá una cena de chirmandat y l’actuación de Mirabèl, una colla d’o Vallés catalán de mosica occitana.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.