Chornada ta conoixer a biodiversidat de Zaragoza en aragonés

L'actividat preba de fer conoixer a os participants os animals y plantas que comparten espacios con os zaragozanos

cartelO sabado 23 qui quiera conoixer a biodiversidat que bi ha en a ciudat de Zaragoza y, más que más, en a suya ribera de l’Ebro, podrá fer-lo en un taller que se ferá en aragonés, organizau por l’Asociación Cultural Nogara y l’Aula de Meyo Ambient Urbano “La Calle Indiscreta”.

O taller, que prencipiará a las 10:30 en l’Aula (Avda. Cesar Augusto, 115), tendrá una parti teorica en a mesma aula, y una gambada por a ribera d’o río Ebro a on que se podrá conoixer as plantas y animals que i viven, y qual ye a dinamica d’o río en ixa parti d’o suyo recorriu. “Toda una ripa de especies de flora y fauna que a soben no’n paramos cuenta, pero que comparten a ciudat con nusatros”, seguntes remera la organización de l’evento.

L’actividat ye endrezada ta toda mena de publico y ye de tot de baldes. Qui quiera participar-ie ha d’escribir ta asoziazion@nogara-religada.org. As plazas son amugadas dica un maximo de quince personas.

Una rispuesta a Chornada ta conoixer a biodiversidat de Zaragoza en aragonés

  1. Pingback: Chornada ta conoixer a biodiversidat de Zaragoza en aragonés | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.