Chornadas contra os transchenicos en Zaragoza y Nuez

Entre o 10 y o 23 d'abril se ferán actividatz contra os transchenicos y por a soberanía alimentaria

cartelO martes en a Federación de Vicos de Zaragoza, se presentará  Semana de luita contra os transchenicos y por a Soberanía Alimentaria en Aragón. Ixa mesma tardi una Asambleya ubierta d’o movimiento ‘Aragón sin transchenicos‘ será o primer de muitas actividatz que continarán dica o 23 y que ferán un analís d’os transchenicos dende diferents dembas como l’alimentación, a economía, o meyo ambient u a salut.

Entre as actividatz d’as chornadas bi ha tallers, charradas, mercaus agroecolochicos u chentas populars a on que cadagún que i vaiga ha de levar-ie a suya virolla. Istas se ferán más que más en Zaragoza, encara que o cabo de semana d’o 14 y 15, y aintro d’as chornadas, se ferá o festival EcoNuez, en o lugar de Nuez d’Ebro. Mientres os dos diyas bi habrá mercaus, charradas y mesmo un pasavillas de Samba d’a Praça y un concierto con Motarrika, China Chana y Comando Cucaracha.

As chornadas rematarán o diya 23, diya d’o libro, con a prochección, por primer vegada en Zaragoza de ‘Sueños colectivos’, una cinta documental sobre as colectividatz libertarias en Aragón. Tamién mientres duran as chornadas, en o Centro Civico Universidat será a exposición ‘Aragón sin transchenicos, por a soberanía alimentaria’, con as fotografías ‘Terra’ de Sebastiao Salgado.

Seguntes a organización ‘Aragón se considera o territorio d’o mundo a on que más transchenicos se cultivan en función d’a superficie suya. Entre 2004 y 2009, entre que l’agricultura ecolochica creixeba en un 118% en l’Estau espanyol, en Aragón baixaba un 12,53%’.

Ta más información se puet consultar o blog http://aragonsintransgenicos.wordpress.com/.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.