Chornadas laicas en Zaragoza

O 27 y 28 de setiembre se debatirá sobre laicismo y aconfesionalidat de l'estau

cartelO Movimiento enta un Estau laico (MHUEL) organiza os venients 27 y 28 de setiembre una chornadas ta “explicar en que consiste o Laicismo y qual ye o concepto de sociedat laica como modelo de progreso y convivencia democratica y no excluyent entre todas as personas.”

Seguntes ista organización, a tamás d’o que diz a Constitución espanyola, “l’Estau y as institucions son, de feito, confesionalment catolicas.” Antimás piensan que a situación ye indo “ta pior”.

As chornadas prencipiarán o chueves con una presentación de l’asociación y una charrada d’a Plataforma en Esfensa d’o Patrimonio Navarro, una colla pionera en a luita ciudadana sobre l’afer d’as inmatriculacions d’a Ilesia.

O viernes bi habrá una mesa redonda sobre “como afecta, a la ciudat a on que vivimos, a falta de aconfesionalidat de l’Estau y as institucions. O laicismo como solución”. Bi participará a Plataforma por os dreitos sexuals y reproductivos, Towanda, Asociación Dreito a morir dignament, y l’asociación de teologos y teologas “Juan XXIII”. Tamién bi asistirán o periodista Jose Luis Trasobares como moderador y o president d’Europa Laica Francisco Delgado.

As dos charradas se ferán en o Centro Civico Universidat de Zaragoza. Ta rematar as chornadas bi habrá una fiesta en l’Albergue d’a carrera Predicadores dende as 23:00

 

Una rispuesta a Chornadas laicas en Zaragoza

  1. A NOTIZIA DE HUE

    He estau leyendo a noticia que dan qualques periodicos, d´a comparanza que fa l’obispo de Córdoba entre l’asesinato d’os ninos d’ixa ciudat y l’aborto, y he pensau que sería necesario que ista casta s’auto alimentase d’una vegada por todas, i que l´estau rompese definitivament o concordato, y que por unatra parte se le obligase a bosar os suyos imposaus como una sociedat mas. Una vez feito isto, habrían de solicitar oficialment a creyación d’un partiu politico y asinas poder convocar a os suyos afíns en os zerculos de arroclada, clamada ilesia u o que sía, pero ixo sí, siempre suchetos a la legislación vichent y sin mas autoridat que a d’un politico en exercicio d’o suyo cargo.

    Por unatra parte, no plego a entender que a uns meros representants d’un país extranchero se les permita la una y l’atra vez convocar reunions totz os cabos de semana ta expresar opinions politicas frent a la ciudadanía, difuera d’as suyas atribuciones, muit luen d’os suyos debers suposadament concernients a la ilesia que represientan.

    Quasi ha diario se les podría detener por intento d’alteración de l’orden publico, y por fer constantment alusiones a o desacato a l’autoridat y a la Constitución. Lo correuto sería detener-los, chudgar-los y seguntes os cargos que se les imputaran, pinyorar-los, encarcelarlos u expulsarlos a o país a o que represientan.

    Pareixe estar que no tenendo pro con a casta politica actual, hemos de suportar mamarrachos con patent de corso, ta rebaixar a mullers y a familias en cheneral.

    QUE BELÚN LES TAPE A BOCA D’UNA VEGADA POR TODAS.

Responder a Ferrando Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.