Chornadas sobre as bruixas en Las Pauls

Se i remerará a execución de 28 mullers d'a redolada acusadas de bruixería en 1593

Cartel d'as chornadasEntre o 17 y o 19 de febrero l’Asociación Turistica Las Paúles organiza en a localidat ribagorzana unas chornadas sobre bruixería con l’obchetivo de afundar en a relación d’iste lugar con o mundo d’as bruixas y d’examinar atros fenomenos machicos d’o Pirineu. Antimás remerarán a las 28 mullers acusadas de bruixería y procesadas por ello entre o 19 de febrer y o 29 d’Abril de 1593. D’as vintiueito, vintidos estioron executadas.

As chornadas prencipiarán con una charrada de Domingo Subías sobre ‘Machia y ritos d’o Pirineu’. O sabado de maitins se ferá una visita a lo Parque Tematico d’as Bruixas que bi ha en Las Pauls y de tardis continarán as chornadas con a charrada ‘Las Pauls, a machia de hue’ de Sergio Cubota y María Guasch. Dimpués bi habrá cuenta cuentos y mosica tradicional.

O domingo una atra charrada de Sandra Araguás ‘Sinyals machicos’ y un teyatro de la companyía ‘Las Encantarias’ sobre leyendas d’o Pirineu, zarrarán as chornadas.

Todas as charradas se ferán en o local social ‘El Cantero’. As chornadas contan con o refirme d’o concello de Las Pauls.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.