Chovens representarán a Aragón en un festival scientifico en Bratislava

Quatro chovenas y un choven aragoneses presentarán os suyos prochectos d'investigación scientifica amateur en Bratislava

Miembros d'ICIJA. Foto: ICIJA

Miembros d’ICIJA. Foto: ICIJA

Cinco chovens aragoneses (quatro chovenas y un choven) presentarán dende maitín en Bratislava (Eslovaquia) os suyos prochectos d’investigación en o Festival Internacional de Sciencia d’a capital eslovaca.

As cinco chovenas presentarán, en dos grupos, dos prochectos d’investigación scientifica amateur. Un d’os grupos ha realizau o prochecto d’un auto solar, mientres que l’atro ye un prochecto d’eliminación d’a contaminación de l’augua mediant tecnicas de fotodinamica. Os prochectos serán presentaus a representants d’atros países.

As chovenas perteneixen a l’asociación Instituto de Sciencia y Investigación Chovenil d’Aragón (ICIJA por as suyas siglas en castellano), que i desplazará a la suya coordinadera, Adriana Yagüe, y a o suyo president, Sergio Muñoz.

Asinas mesmo, a embaixada espanyola recibirá a la delegación chovenil aragonesa.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.