Chuicio contra once okupas iste viernes en Zaragoza

O Concello de Zaragoza les acusa d'usurpación

Mural solidario con os once d'o tellau (Foto: Arainfo)

Mural solidario con os once d’o tellau (Foto: Arainfo)

Iste viernes de maitins se celebrará en Zaragoza o chuicio contra os conoixius como “os once d’o tellau”, once okupas que remanioron en o tellau d’o Centro Social Okupau Kike Mur mientres o desaloix que fació a policía espanyola en chinero de 2011. O CSO, que ye en l’antiga garchola de Torrero, estió reokupau dimpués d’una manifestación por o vico, tres diyas dimpués.

Istas once personas son estadas denunciadas por o Concello de Zaragoza, amo legal de l’inmueble y concaran 20.000 euros de pena – pinyora, ye decir, que podrían ir t’a garchola si no pagan ixa cantidat, en caso d’estar declaraus culpables. Antimás, tamién i ye encausada una vecina d’o vico, que le detenioron en a enrestida que fació a policía contra os manifestants que refirmaban a os okupas dende as carreras amanadas t’o Centro Social. En iste caso, l’acusan de desordens publicos y atentau a l’autoridat concarando seis meses de garchola y 1500 euros de pinyora.

As personas que se solidarizan con istos okupas han convocau o diya d’o chuicio una concentración solidaria en as puertas d’os chuzgaus a las 9:30. Dende a propia asambleya d’os okupas, que fa más de dos anyadas que son en iste Centro, denuncian antimás, l’ambigüedat de CHA y IUqui continan mantenendo, chunto a los suyos socios de gubierno, o proceso ubierto contra os once d’o tellau”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.