Chuse Inazio Nabarro presentó o suyo nuevo libro “Mesaches”

L'autor ya ganó o premio con "Reloch de pocha" en 2006

portaladaChuse Inazio Nabarro presentó o viernes en a Biblioteca publica de Balbastro o suyo nuevo libro ‘Mesaches’, una obra que reconta tres anyadas, entre 1974 y 1977 d’a vida d’un zagal qui vive de conchunta con os companyers suyos en a Universidat Laboral de Cheste. En o libro, o protagonista pasa d’a nineza t’adolescencia en o mel meyo d’a transición politica, tenendo bien present o tema de l’amostranza.

Iste libro ye estau o zaguer ganador d’o premio de Novela Curta “Ziudá de Balbastro” que convoca todas las anyadas o concello d’a ciudat y que tien una valor economica de 2.100 euros. O propio Chuse Inazio Nabarro ya ganó iste premio en 2006 por a suya obra “Reloch de pocha”  que ye estada traducida t’o francés, castellano y ruso. As dos novelas s’han publicau por Gara d’edizions. Por iste premio han pasau tamién atros destacaus nombres d’a literatura en aragonés como Toni Collada (El biache), Fernando Romanos (Alas de papel: Gernika 1937) u Anchel Conte (Aguardando lo zierzo).

Chuse Inazio Nabarro ye naixiu de Tauste y ye licenciau en Filolochía Hispanica. Treballa de profesor d’Ensenyanza Secundaria, faina que compatibiliza con a presidencia d’o Consello d’a Fabla Aragonesa. Antimás d’os dos premios “Ziuda de Balbastro”, ye estau ganador tamién de l’Arnal Cavero que convoca o Gubierno d’Aragón y d’o Luis del Val, que fa o concello de Sallent, y ha publicau arrienda libros, articlos u replegas de poesía.

 

Una rispuesta a Chuse Inazio Nabarro presentó o suyo nuevo libro “Mesaches”

  1. Pingback: Chuse Inazio Nabarro presentó o suyo nuevo libro “Mesaches” | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.