Chuse Raul Usón repasa a suya trachectoria en o 30eno cabo d’anyo de Fablans

Continan as charradas que remeran a historia de l'asociación

Chuse Raul Uson en as XX Chornadas d'as luengas d'Aragón

Chuse Raul Uson en as XX Chornadas d’as luengas d’Aragón

Aintro d’a celebración d’as trenta anyadas d’a fundación de Ligallo de Fablans de l’Aragonés, Fablans Zaragoza ha organizau una serie de charradas con miembros historicos d’ista asociación. O venient d’ells será Chusé Raúl Usón, miembro fundador d’a entidat y president d’a mesma en as primers anyadas.

En l’acto, que se ferá o viernes 17 en o Centro Civico Salvador Allende de Zaragoza (l’antigo Matader) a las 19 horas, Usón repasará a suya trachectoria como escritor y editor d’a editorial Xordica, una d’as poquetas que publica libros en aragonés. Entre a suya obra bi ha prous obras poeticas, como Ixe buxo viello – entre fierros, u As zien claus, relatos, como Nueis d’agüerro, traduccions como Cullita d’otri u treballos etnolingüisticos como El carnaval de Torla, escrito chunto con Xavier Tomás.

Antimás d’escritor y editor, Chuse Raúl Usón ye actualment miembro d’a Sociedat de Lingüística Aragonesa y secretario d’a revista filolochica De Lingua Aragonensi.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.