Cient treballos presentaus en o Congreso Internacional d’a tubericultura en Teruel

Mientres toda la semana Teruel arrocló a quasi 300 personas arredol d'o mundo d'a tubera

Entrega de premios (Foto: D.Ch.A.)

Entrega de premios (Foto: D.Ch.A.)

Un total de cient treballos sobre a tubera se han presentau ista semana en o I Congreso Internacional de Tubericultura (o cautivo d’a tubera) que se celebró en Teruel. Mientres quatre diyas, quasi 300 participants de más de 20 países se han amanau t’a realidat internacional d’o cautivo d’a tubera y d’o suyo aprifeitamiento dende diferents anvistas.

Seguntes o president d’o congreso y director cherent d’o CITA, José Vicente Lacasa, ” a tubericultura ye una alternativa agricola-forestal viable en redoladas mediterranias con tierra pobras y orache extremo a on que qualsiquier atro cautivo u aprofeitamiento forestal no ye rendible. Antimás aduya t’a reforestación d’os monts, controlando en bella mida a erosión d’a tierra y prevenindo os incendios d’as selvas.”

Entre as conclusions quitadas en o congreso, tamién bi’n heba d’economicas. “[A tubericultura] ye una actividat de diversificación agraria que puet contribuyir a puyar as rentas y alportar uns esquilmens socials y economicos destacables en fer a la población remanir en os lugars.”  As tuberas son un producto de primer ran, y por ixo o congreso ha creyiu que “ye urchent mirar procesos que amilloren a suya comercialización”.

Tamién se i han tractau atras qüestions scientificas arredol d’a tubera, como o papel d’as nuevas tecnolochías en a planificación de nuevas plantacions y a suya chestión, a importacia d’os factors quimico-fisicos d’a tierra t’a producción d’a tubera u as posibilidatz d’estudios ubiertas dende a seqüenciación d’o suyo ADN.

O congreso estió rematau iste viernes con a presencia d’as autoridatz d’as administracions y entidatz que patrocinaban o congreso, y una entrega de premios t’a comunicación oral más orichinal, a comunicación orichinal choven y o poster mñas innovador.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.