Cientos de personas se concentran en refús a las violacions

A organización demandó que se tornase a ubrir o caso d'a choven de Malaga y a fin d'a impunidat d'os violadors

concentracionCientos de personas se chuntoron iste martes en a zaragozana Plaza d’Espanya ta refusar as violacions y refirmar a las mullers victimas d’ellas, en especial a la choven de Malaga que estió agredida sexualment fa bellas semanas. Como se remeró, o suyo caso estió a escape archivau encara que beluns d’os agresors heban confesau y bi heba arrienda prebas d’a violación.

Os manifestants tamién refusoron as declaracions que s’han feito mientres istos diyas de boca de bells dirichents d’o PP, como os alcaldes de Malaga u Valladolit, que sacoron importancia a l’afer u acusoron a las mullers de denuncias falsas. Como recordoron en o manifiesto, istas denuncias son nomás un 0,01 % d’as totals.

Debant d’una pancarta a on se podeba leyer “Debant de  l’agresión faixista, revolución feminista“, as manifestants se preguntaban “dica quan?” y continaban: “A cultura d’a violación ye una lacra que hemos de prencipiar a escoscar dende lo fundo: dende a chusticia y a educación. O sistema masclista y patriarcal que nos gubierna revictimiza, invisibiliza y desacredita a la persona agredida que remata qüestionada, amarguinada y estigmatizada”.

A manifestación remató con un “Garra agresión sin respuesta. Prou d’impunidat. No ye no” y un minuto de silencio en remerando a la zaguer victima de violencia masclista muerta ixe mesmo diya.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.