Cifra record de venda d’armas en Estaus Unius

A compra d'armamento ha puyau un 49% en una anyada

Siede d'a NRA (Foto: Wikipedia)

Siede d’a NRA (Foto: Wikipedia)

A venda d’armas en os Estaus Unius ha feito un record. Seguntes datos d’o FBI replegaus por l’achencia Reuters, en aviento a policia federal fació 2,8 millons de verificacions d’antecedents t’a compra d’armas, o procedimiento que s’ha de seguir ta conseguir un arma de fuego en ixe país.

 

Ixo significa una puyada d’o 49% respecto a l’aviento de l’anyada anterior, una cifra record chusto agora que o país debate amugar l’emplego d’armas, dimpués d’a matanza de Connecticut de man d’un choven muito armau y d’os tiroteyos que bi ha por tot lo territorio. Dica agora, o record yera de 2 millons de verificacions, rechistrau o mes de noviembre.

O tiroteyo de Connecticut, a on que morioron vintiseis personas, entre qui bi heba vinte ninos, ha levau a lo gubierno d’EE.UU. a planificar midas ta concarar a violencia armada. O vicepresident, Joe Biden, será l’encargau de coordinar o proceso.

Mientres una visita que Barack Obama fació en Newtown, o puesto d’a trachedia, dició que caleba regular l’emplego d’armas y empachar que bi hese trachedias como ixa. “No lo podemos tolerar más. Istas trachedias han de rematar. Y ta acotolar-las hemos de cambiar”, dició.

L’Asociación Nacional d’o Rifle, a poderosa colla de presión d’a industria d’armas d’o país, prometió “colaboración significativa” ta empachar matanzas como ixa.

 

Fuent: http://www.vilaweb.cat/noticia/4070506/20130102/xifra-record-venda-darmes-estats-units.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.