Cinco peliculas se prochectará en a Sala Goya de Mequinenza dentro d’o ciclo ‘Cinema Infantil en Català’ que comienza o domingo

Iste ciclo conta con a colaboración d'o concello de Mequinenza y Circuit Urgellenc, baixo o lema "T'agradarà sentir-la en català"

MEQUINENSA-sala-goya-exteriorCon a prochección d’a cinta de Disney ‘Avions 2: equip de rescat’ s’ubre o domingo 19 d’octubre o CINC de Mequinenza, o ciclo de ‘Cine Infantil en Català’. Dica o 30 de noviembre se i prochectarán atras quatro cintas en catalán amás d’a mencionada: ‘Operació Cacauet. Un pladeliciós!’ o 2 de noviembre, ‘L’abella Maia. a pel·licula’ o 9 de noviembre, ‘Campaneta, fades i pirates’ o 23 de noviembre y ‘Com ensinistrar un drac 2’ o 30 de noviembre. L’horario d’os pases s’ha fixau en as 17.00 d’a tarde en a Sala Goya y o pre d’a dentrada a 4,5 euros.

Baixo o lema ‘t’agradarà sentir-la en català’ ista iniciativa, en que colaboran o concello de Mequinenza y Circuit Urgellenc, tien por obchecto fer creixer a ofierta y fomentar o cine infantil en catalán. O CINC se desenrolla en un total de 32 localidatz de Catalunya y Aragón, entre as que se troban Tamarit de Litera y Mequinenza, entre os meses d’octubre y noviembre.

A Sala Goya de Mequinenza estrenó o pasau verano o nuevo sistema dichital de prochección, substituindo a o de 35 mm, adaptando-se a os nuevos formatos de distribución o que permite que en 2 u 3 semanas puedan veyer-se as cintas d’estreno en a localidat sin necesidat de desplazamientos. Gracias a o convenio de colaboración entre o concello y Circuit Urgellenc se mantiene ista ofierta d’ocio y cultural pa vecins y vecinas d’o municipio y de localidatz buegants que no contan con cine entre tot l’anyo.

Fuent: http://arainfo.org/2014/10/cinco-peliculas-se-proyectaran-en-la-sala-goya-de-mequinensa-dentro-del-ciclo-cinema-infantil-en-catala-que-arranca-el-domingo/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.