Cine en versión orichinal ta celebrar as 25 anyadas d’a Escuela Oficial d’Idiomas de Uesca

O centro uescano organiza o ciclo "Cine en luengas" a on que se ferán quatre cintas en anglés, francés, italiano y alemán.

cartelViyer cintas en versión orichinal ye una buena traza de aprender una luenga y de fer un buen ratet de vez. Con ixe obchetivo a Escuela Oficial d’Idiomas de Uesca ha organizau un ciclo de cine en versión orichinal subtitulada – “Cine en idiomas” – que se ferá entre o 4 y o 13 de marzo con a colaboración de Ibercaja Obra Social. O ciclo fa parti antimás d’as actividatz que ye fendo a EOI de Uesca ta celebrar o suyo 25 cabo d’anyo.

Bi habrá quatre procheccions en quatre luengas diferents: alemán, anglés, francés y italiano, que son as que se pueden aprender en a escuela uescana. Todas as cintas levarán subtitols en a luenga orichinal.

O ciclo se ferá en o Centro Ibercaja Uesca con dentrada libre. Prencipiará iste lunes 4 de marzo con a cinta “Der ganz grosse Traum“, de Sebastian Grobler, que se meterá a las 19 horas. O martes 5, a las 18, será o turno de l’italiano con “Il pranzo della comenica”, de Regia di Carlo Vanzina.

O ciclo se completa con la francesa “Les femmes du 6éme“, de Philippe Le Guay, que podrá viyer-se o 11 de marzo a las 19, y con “”The Time Traveler’s Wife“, de Robert Schewntke, cinta anglesa que se meterá o 13 a las 19.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.