COAGRET: “Si no se fan as depuradoras ye por una decisión politica”

A Coordinadera califica de vergüenyosa a decisión politica de no levar a cabo o Plan de depuración y denuncia que os usuarios de l'esdevenidero ya lo son bosando.

Tiermas en o entibo de Yesa (Foto: Biquipedia)

“A chustificación de que no bi ha os 250 millóns d’euros d’o Plan Especial de Depuración d’Aragón, contrasta con os 223 millons d’euros que si bi ha (y se’n son gastando), que ye costando dica hue (encara ye luen de rematar-se) a recreixedura d’o entibo de Yesa. Habríanos de remerar que os regants de Bardenas ya disposan d’o entibo de Yesa actual, d’os entibos de Malvecin y Lavernet, y que a ciudat de Zaragoza y a suya redolada no amenistan a recreixedura t’o suyo abastecimiento”. Sinyalan dende a pachina web d’a Coordinadera d’Afectaus por Grans Entibos y Trescoles (COAGRET)

Dende a Coordinadera tamién denuncian que “no bi ha diners t’o Plan Perineus de depuración, pero o entibo de Mularroya ye presupuestau en 154 millóns d’euros, y se ye construindo encara que una sentencia chudicial que puede convertir-lo en ilegal”.

O entibo de Biscarrués, disenyau ta retener grans creixidas s’aprebó iste verano y costará 177 millons d’euros sin contar desviacións presupuestarias.

A información publica d’o entibo d’Almudevar, tamién de Riegos de l’Alto Aragón, sinyala que iste ye presupuestau en 190 millóns d’euros. Dende Coagret remeran que “Riegos de l’Alto Aragón chestiona ya 6 grans entibos en as cuencas d’o Galligo y a Cinca, amen d’a-saber-las badinas en o suyo extenso sistema de regadío”.

Os gubiernos aragonés y espanyol financian istas obras a o 100% y os usuarios bosan una parti d’ixa financiación a o cabo de 25 anyos a intrés zero.

“Si i hai diners, pero se fan servir ta beneficiar a una parte reducida y privilechiada d’a sociedat en cuentas de a la mayoría”, apuntan dende a Coordinadera. Y tamién i adhiben que “l’actual Plan de Depuración, disenyau por o PAR, se pensó ta ganar diners (as interpresas adchudicatarias) y no pensando en a economía, ecolochía, rapideza y adaptación a o territorio”,

COAGRET remera a o Gubierno d’Aragón que bi ha una obligación con a Unión Europea de depurar as auguas residuals que se ye incumplindo.

Fuent: http://www.coagret.com/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.