Con a luna plena prencipia a trobada “L’aragonés gué” en Barcelona

A chornada contará con especialistas de l'aragonés y d'atras luengas romanicas

Imaxen_Tarcheton_Aragones_web_sin_tochez

Os diyas 13 y 14 de chunio se ferá en Barcelona a trobada “L’aragonés gué” que tiene como obchectivo compartir esperiencias y prochectos ta l’estudio d’a luenga aragonesa. Seguntes a organización, feita a pachas por o a Universidat de Barcelona y o Centro Aragonés de Barcelona, s’han recibiu arredol de 50 incripcions y a participación de ponents, d’estudiosos de trachectoria reconoixida, asinas como por chovens valors. O programa ye composau de ponencias arredol d’a luenga aragonesa y atras luengas romanicas, asinas como trobadas culturals, actuacions mosicals y trobadas gastronomicas.

O programa prencipia hue viernes con a presentación d’os participants y as primeras ponencias en a sala de profesors de l’edificio Josep Carner d’a Facultat de Filolochía d’a Universidat de Barcelona, a devantadera d’a exposición “L’aragonés, luenga biba” , asinas como una cena y concierto as dos zagueras actividatz en o centro aragonés de Barcelona.

O sabado destaca en o programa, amás de bellas comunicacions y ponencias, a charrada d’o filologo Juan Carlos Moreno Cabrera sobre dialectolochía y ideolochía y una gambada por os puestos aragoneses de Barcelona.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.