Concedius os Nobel de Fisica y Medicina

Un d'os ganadors d'o Nobel de Medicina morió o pasau viernes.

Alfred Nobel, en honor a qui se fan istos premios (Foto: Euclid Van der Kroew)Ya se conoix a investigación ganadera d’o premio Nobel de Fisica. Tres scientificos d’Estaus Unius, Saul Perlmutter, Brian P Schmidt y Adam G. Riess, son estaus os ganadors por haber descubierto que a l’universo se ye espardindo cada vegada mas rapedo, y no pas mas lento, como se creyeba.
Os tres scientificos, en dos collas d’investigación diferents, han puesto comprobar iste feito, mirando-se supernovas muito aluenyadas y a luz que feban istas. Perlmutter ye p director d’o Prochecto Comolochico Supernova en a Universidat de Berkeley. Schmidt, que tamién tien nacionalidat autraliana, ye profesor d’a Universidat Nacional Australiana. Riess ye tamién profesor d’astronomía en Baltimore. O premio t’os tres ye de bell poco más d’un millón d’euros.
Ahiere se dio tamién o Nobel de Medicina ta Bruce A. Beutler, Jules A. Hoffman y Ralph M.Steinman por as suyas investigacions sobre vacunas y inmunolochía. O zaguer d’ells no podrá replegar o premio en haber muerto o pasau viernes. Ista ye, alavez, a primer vegada que a Reyal Academia de Sciencias de Suecia, da o premio a un muerto.
Mientres a resta d’a semana se irán entregando a resta de premios. Maitin será o turno d’a Quimica, Literatura o chueves y o d’a paz o viernes. O zaguer será o d’Economía que o suyo ganador se conoixerá ya o lunes.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.