Concedius os premios Ig Nobel

Premian as investigacions más absurdas

Os premios Ig Nobel son concedius por a revista Anyals d’Investigación Improbable, como alternativa divertida d’os Nobel. Ahiere estioron entregaus en a Universidat de Harvard.

O Ig Nobel de Medicina estió ta un equipo de diferents universidatz por un estudio que diz que tener muitas ganas de pichar afecta a la capacidat de prener decisions. Un atro equipo de universidatz de Reino Uniu y Holanda se levó o premio de Fisiolochía por una investigación titulada “No bi ha evidencia de que s’apeguenos badallos en as tortugas de garras royas”. Cotinando con a branca biosanitaria, Karl Halvor Teigen, d’a Universidat de Oslo, ganó o Ig de Psicolochía por un estudio que prebaba de entender “porqué a chent sospira”.

Atras dembas tampoco no se quedan sin os suyos premios. En Biolochía, un estudio sobre escarabaixos que preban de buquir con bellas menas de botellas de biera en Australia, ganó o galardón. O de Física se lo levó un estudio que miraba de determinar porqué os aventadors de disco se marean y os de martiello no pas.

Tamién bi ha un Ig Nobel d’a Paz, prou que sí. Ista anyada estió Arturas Zuokas, alcalde de Vilna (Lituania) por escachar autos mal alparcaus con un tanque ta solucionar os problemas de parking en a suya ciudat.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.