Concentración en Zaragoza en refirme a las comunidatz zapatistas

A tensión creixe en a zona dimpués de l'asesinato d'un mayestro en una d'as comunidatz

Acto de refirme a los zapatistas, o sabado pasau (Foto: Caracol Zaragoza)

Acto de refirme a los zapatistas, o sabado pasau (Foto: Caracol Zaragoza)

Os sucesos de fa bells diyas en as comunidatz en rebelión de Chiapas, en Mexico, a on que morió una persona y qualques más estioron feridas, han feito que se convoquen concentracions de refirme en tot lo mundo. Zaragoza ye una d’as ciudatz a on que se ferá, a tarde d’o mierques un d’istos actos.

Caracol Zaragoza, CGT, Comité de Solidaridad Internacionalista y ASSI han convocau una concentración a las 20:00 en a Plaza Espanya “exichindo con rasmia que bi haiga chusticia de verdat y que se proceda con os autors materials y intelectuals en totz os libels de responsabilidat.

Os sucesos d’o 2 de mayo rematoron con l’asesinato de Jose Luis López Galeano, mayestro de zona d’a “Escuelita por la Libertad” y con quince personas feridas. Os autors d’a enrestida, informan os convocants, estioron miembros d’a colla paramilitar CIOAC – Histórica, de conchunta con miembros d’o Partiu Verde Ecologista, d’o PRI y d’o PAN. “Istas agresions plegan dimpués de meses de provocacions” y son parte “d’una planificación paramilitar que ye baixo o control d’os malos gubiernos”, aseguran.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.