Concentración y reunión d’a colla de treballo sobre la reubridura d’o Canfranc

En a reunión bi habrá representants d'as administracions espanyola, francesa, aragonesa y aquitana.

Gara de Canfranc (Foto: Thierry Llansades)

Gara de Canfranc (Foto: Thierry Llansades)

A Coordinadora t’a Reubridura d’o Ferrocarril Canfranc-Olorón (CREFCO), linia situada en o Pirineu Central, entre Aquitania y Aragón, se concentrará iste miercols diya 30 de noviembre en a puerta d’a siede d’a D.Ch.A. en Zaragoza ta fer-se vistera debant d’a reunión d’a colla de treballo d’o Canfranc.

CREFCO ha feito un manifiesto que quiere fer plegar maitin a os asistents t’a reunión. Dimpués de deixar ta 2030 a posibilidat de fer a Travesía Central d’o Pirineu, CREFCO crei que o ferrocarril Zaragoza-Canfranc-Pau “apareix como a unica posibilidat de que Aragón tienga una comunicación rapeda y eficaz con o Norte d’Europa. A coordinadora aspera que d’a reunión surta una empentada t’a “ubridura d’o nuestro ferrocarril internacional, concluyindo totz os estudios que caleban (y belunos que nian ixo) que a reubridura ye posible tecnicament y economica.

Encara que se son achiquindo presupuestos por tot, o manifiesto diz que a inversión de 407 millons d’euros  se recuperaría a escape y s’ubrirían nuevas perspectivas de futuro. Seguntes o estudio de Ineco/CLaraco ta o Consello Economico y Social d’Aragón, a linia de tren tendría una demanda de quasi un millon y meyo de toneladas en a primer anyada que funcionase.

CREFCO remata o manifiesto demandado que, quan a primer de 2015 se reubra o trampo aquitano Auloron-Bedís, que financia l’administración aquitana, os treballos continen a l’arreu entre Bedos y Canfranc y que se prencipie con a modernización, electrificación y se meta d’amplaría estandard europeya en a parti d’a linia entre Uesca y Canfranc.
.

Fuent: http://arainfo.org/2011/11/concentracion-y-reunion-del-grupo-de-trabajo-sobre-la-reapertura-del-canfranc/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.