Concentracións en tot l’estau contra os retalles

Esperanza Aguirre: “a imachen que hemos de prochectar ye a de totz unius baixo lo sinyal que nos une a totz os espanyols”.

Concentración d'ahiere en Zaragoza. (Foto: Arainfo)

Mientres decenas de milars de personas se citaban en as carreras de muitas ciudatz d’o Estau espanyol ta protestar por os brutals retalles en Educación y Sanidat, Mariano Rajoy afirmaba que “cada viernes i habrá mas reformas”.

D’atra man, a presidenta d’a Comunidat de Madrit, Esperanza Aguirre, ha carranyau a os manifestants porque con actos “a la griega” no imos a aconseguir a confianza d’os mercaus. Ta ella, “a imachen que hemos de prochectar ye a de totz unius baixo lo sinyal que nos une a totz os espanyols”.

A Plataforma Social en Esfensa d’o Estau de Buenpasar y os Servicios Publicos, empentada por CCOO y UGT y refirmada por meyo centenar d’entidatz socials, s’engueró ahiere de maitíns con manifestacions en mas de cinquanta ciudatz d’o estau.

En Zaragoza, a marcha tenió una menor respuesta que en atras convocatorias, y muitos no plegaban a entender una convocatoria tant proxima a l’Un de Mayo. Un d’os colectivos que mas actividat ye desembolicando por a Educación publica ye la Marea Verda, y as suyas chambretas han chapurquiau a protesta.

O lema ‘Con la Educación y la Sanidat no se juega’ encabezaba a manifestación, que como ya ye habitual en ista mena d’actos, ha estau ‘custodiada’ por dos cordones policials adosaus a totz dos costaus d’a marcha. ’Mariano, capullo, lo publico no es tuyo’, ‘Mariano, embustero, se te ve el plumero’ u ‘Hay que recortar al Partido Popular’ han estau bells d’os lemas que s’escuitón en a protesta.

Fuent: http://arainfo.org/2012/04/%C2%A1mariano-capullo-lo-publico-no-es-tuyo/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.