Concierto-presentación d’el libro “Quarenta traqueteyos d’esperanza”, d’el cantautor Jesús Sierra

Nuevo libro d'Edicions Transiberiano

El pasau viernes, 11 de noviembre, Edicions Transiberiano va presentar una nueva obra, adentro de la suya colección Uellos Negros. El libro contién 40 composicions mosicals, acompanyadas de la suya partitura. Como diz el titol, 40 traqueteyos d’esperanza, creaus per el cantautor Jesús Sierra Viñuales.

Momento d'el concierto presentación

Momento d’el concierto presentación

L’autor, natural de Zaragoza, va conoixer de chicot, Chistau y la luenga d’esta val, en es campamentos que alí se feban. Este zaragozano de 40 anyos con corazón montanyés ye enchenyero industrial y profesor de formación profesional, pero la pasión per la mosica le leva a participarn en la Banda de Gaitas de Boto.

banner_quarenta_presentacion

Portalada d’el libro

En la veilada d’el viernes el cantautor va ofrir un concierto an que va cantar una decena de cancions de las que fan parte d’el libro, debant d’un publico que plenaba el salón d’actos d’el Centro Cultural La Jota de Zaragoza, y mesmo cantaba es estribillos, que se prochectaban entremistanto. En una chicota pausa, l’autor,  chunto a Fernando Romanos, van parlar de l’orichen d’el libro y d’el suyo amor per la cultura chistabina.

Con este titol ya fan diez las obras publicadas per Edicions Transiberiano, dende que va empecipiar a fer garras,  allá per mayo de 2015, y luego verán la luz dos nuevos titols.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.