Concierto y borina de presentación d’o fancine “Ven-Dojako”

As collas que bi tanyerán son Labrando Asfalto, Serruchazo y Guano.

cartel conciertoIste sabado a las 20 se ferá en o CSO Kike Mur a presentación t’a sociedat d’o fancine Ven-Dojako. Ye una publicación trimestral “ta fanaticos d’o viedau”, como asinas s’autodenominó en a suya primer edición o pasau agosto. Os editors, y de vez organizadors de l’evento, preban asinas de fer conoixer iste nuevo prochecto entre a chent d’a capital aragonesa, y ufrirán a os asistents un concierto de tres collas y una audición mosical en rematar. A dentrada t’o concierto, que tien un pre de 3 euros, incluye o segundo numer de Vendojako y os diners que se i repleguen se ferán servir ta posteriors publicacions d’o fancine.

Como expresan os editors en o suyo primer numer, o fancine naix “debiu a la nula y penible situación laboral que tenemos, ya que hemos creyiu que caleba canalizar parti d’a nuestra rasmia en ista creyación”. En a chicota publicación “se i puet trobar belunas d’as nuestras más fundas reflexions y miserias, bells poquetz debuixos pinchos y, prou que sí, una esclatada de reaccions contra lo imposau y establiu”, dicen. Encara que en una primer uellada, pueda pareixer un fancine rebutient de humor absurda, barrenada y surrealista, en garra inte deixa a un costau a funda y sincera critica a lo sistema.

“Prebamos de que beluna d’as seccions alporte qualcosa a lo lector, que le clave un “chute” de vitaminas en l’esmo u que a lo menos, le faiga gronxiar-se bell poquet ixublidando tanta mierda”. Adhiben que “a revista no preba de fer apolochía d’o consumo de sustancias estupefacientes. L’esmo de cadagún ha de decidir lo que fa con o suyo cuerpo y a suya ment, como tot en a vida. Ixo sí, gemos apolochía a pensar, que pareix que ye pasau de moda”.

 

Fuent: http://arainfo.org/2011/12/concierto-y-fiesta-de-presentacion-del-fanzine-ven-dojako/http://arainfo.org/2011/12/concierto-y-fiesta-de-presentacion-del-fanzine-ven-dojako/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.