Condenaus dos ex-alcaldes de Sarinyena por desobediencia

Antonio Torres (PP) y Lorena Canales (PSOE) son os dos diputaus en as Cortz d'Aragón

O Tribunal Superior de Chusticia d’Aragón ha condenau, por desobediencia, a Antonio Torres (PP) y Lorena Canales (PSOE), os dos diputaus d’as Cortz, amás de a un secretaire d’a corporación. Habran de bosar una pinyora de 2500 euros, y indemnizacions por valura de 60.000 euros. Os dos politicos, amás, quedan inhabilitaus ta exercer en l’almenistración local mientres siete meses en o caso de Torres y 3 meses en o de Canales.

A sentencia, sin dembargo, refusa as imputacions por prevaricación contra os acusaus y de falsedat documental a la ex-alcaldesa socialista, pero considera prebau que desobedecieron a la chusticia en meter dificultatz a la execución d’unas resolucions chudicials que beneficiaban a un vecin.

O concello de Sarinyena tamién ye responsable subsidiario d’as indemnizacions, porque os tres acusaus actuaban en nombre d’o consistorio.

O proceso chudicial tien o suyo orichen en una demanda d’un vecin d’a localidat contra os dos ex-alcaldes, l’ex-secretaire y un conceller d’o PAR que ha estau absuelto, porque seguntes a denuncia totz l’heban prechudicau conscientment, en a concesión d’una licencia ta una explotación de latons.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.