Congo: mas de seis millons de muertos dimpués de tretze anyos de conflicto

O conflicto que dende fa tretze anyos sobate o Congo, ye un d'os mas sanguinarios d'a historia, con seis millons de victimas mortals

Soldaus d'a Republica Democratica d'o Congo. Foto: Jocelyn A. Guthrie

Soldaus d’a Republica Democratica d’o Congo. Foto: Jocelyn A. Guthrie

A Republica Democratica de Congo ye patindo, dende tretze anyos, un d’os chenocidios mas mortals d’a historia d’a humanidat, dentro d’a gran indiferencia cheneral. O numero de victimas sobrepasa os seis millons.

As informacions no nos plegan por os medios de masas, sino por ciudadanos espantaus que fan plegar as informacions. Ye o caso d’o blog d’un choven ciudadano francofono que comparte as suyas reflexions y fa plegar informacions. O blogaire nos conta sobre o chenocidio en Congo, publica un documental de 26 minutos; y mesmo a petición lanzada por a novelista nimesenca Frédérique Hébrard por fer conoixer y aturar aquella masacre.

Se tracta d’un d’os conflictos armaus d’analís mas compleixo, as suyas causas son multiplas y son relacionadas con atros conflictos como o de Ruanda y Burundi, d’o qual muitos actors i han participau. Participan milicias, de grupos armaus, de grupos d’autodefensa, de grupos rebeldes y d’exercitos estatals. As alianzas s’han transformau d’una traza aclapant. A identidat etnica, en cambeo, no ye una causa d’o conflicto sino una fuerza de movilización politica.

O documental sinyala o rol chugau por os Estaus Unius y os suyos países aliaus dentro d’a rechión, como Ruanda y Uganda, que considera a Congo victima d’a suya riqueza natural propia, mas que mas d’os diamants.

Fuent: http://www.jornalet.com/nova/2472/congo-mai-de-sieis-milions-de-morts-dempuei-tretze-ans-de-conflicte

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.