Continará plevendo iste miercols pero baixará a intensidat

Dimpués d'o complicau diya de hue, s'aspera que l'orache vaiga millorando, encara que ista nueit y maitín s'asperan encara plevias y tronadas fuertes

carrera mayor benás

A carrera Mayor de Benás engaronada ista tardi. Foto: InfoBenasque (https://twitter.com/InfoBenasque)

L’orache no dará tregua maitín, pero sí que ya azotará con menos fuerza que no hue, con precipitacions d’uns 40 litros por metro quadrau en dotze horas, en cuenta d’os 100 de hue. I habrá alerta amariella por plevia y deschelo en o Pirineu, seguntes informa l’Achencia Estatal de Meteorolochía (AEMET). As tronadas se preveyen fuertes y os chubascos continos fundamentalment dica a primer mitat d’o diya con posibilidat de tronadas.

Tamién i habrá alerta amariella por plevia en as Cinco Villas, comarca a on no deixan de cusirar o cielo y o livel de creixida d’os suyos ríos. Podría plever-ie fuerte, mesmo con tronadas, pero con cada vegada menor intensidat dica a primer mitat d’o diya.

En a resta d’Aragón s’asperan precipitacions mas febles. S’aspera cierzo floixo con rachas moderadas y temperaturas en ascenso as maximas y en descenso as minimas. O chueves ya l’orache irá estabilizando-se.

En istos momentos prencipia a baixar o livel d’os ríos debiu a la baixada d’a intensidat d’as precipitacions, manimenos caldrá estar a la tisba d’as precipitacions que encara cayerán hue y maitín.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.